ناقتي

زائر

ناقتـي يـا ناقتـي لا ربـاع ولا سـديـس وصليني لابتي مـن ورى هـاك الطعـوس

حايلا رابع سنه مـن خيـار العيـس عيـس خفهـا لا درهمـت كنـه بالنـار محسـوس

في دجى خالي خلا لا حسيـس ولا ونيـس تدوخك من شدة البـرد طقطقـة الضـروس

في عيوني يكفـخ الطيـر ويطيـح الفريـس وأنتهض جساس من دون خالتـه البسـوس

وفي خفوقي فرخ جنيـةً يظـرس ظريـس يوم أوردهـا هجوسـاً وأصدرهـا هجـوس

ديرتي دار أبن ضاري وأبن غثلـم جريـس ديره اللي دوجوا فـي فيافـي نجـد جـوس

ديرتـي يـا بنـت شيخـاً ومعدنهـا نفيـس عيطمـوس دونهـا دثرتـنـي عيطـمـوس

جادلاً مطرق جسدها مـع الغربـي يميـس طينةٍ مـن تربـة الخُلـد والـدم أمحمـوس

نقّشت خمساً من الخمس في يـوم الخميـس ليـت شعـري مـا أرادت بهـذا دختنـوس

كـم تمنـى إمعـه مثلهـا فتـنـه إبلـيـس كان يمكن قد قلـب نصـف أمتنـا مجـوس

سندمات الصـدر منهـا كنيسـه أو كنيـس صومعـة رهبـان ديـرٍ يـؤدون الطقـوس

أتقـوس مـع تقـوس نواهدهـا وأقـيـس قبتينٍ قـاب قوسيـن قـوسٍ جنـب قـوس

خصرها يحكي لنـا واقـع القـوم التعيـس وردفها عن غطرسة بـوش يعطينـا دروس

وبالرغم من قصرها مـا يجالسهـا جليـس تصبح أطول نسوة الأرض في وضع الجلوس

العروسة ماتبي غيـر أبـو تركـي عريـس العروسة نجـد ماهـي بحـي الله عـروس

نجد بنت المجـد ونسـت مؤنسـة الونيـس ما عسفها ألا معزي ضحى ليـوم العبـوس

كل أهل نجدٍ هلي من أجـا حتـى الخميـس في ذراهم بألتجـي عـن مقففـة الرسـوس

وعيشتي مابين أسـوداً ولـو مانـي رئيـس خير من كوني رئيسـاً علـى شلقـة تيـوس

وليس عيباً أن خدعنـي بمكـره كـل هيـس لأن مايفهـم بمكـر الهيـوس الأ الهيـوس

مصطفـى بـت عـمـه البـابـا لـويـس كبر اللقمه تحت ضـوء حمـراء الكـؤوس

وطسم حدتها على حائـط المبكـى جديـس يـوم شقـت ثوبهـا بنـت غفـارا شمـوس

سيدة هـاك القصـر أسمهـا الأول لميـس دونها سمـر الحناجـر بترهـا حـد مـوس

قسقست لأحرارهم قيس . قيس. قيس. قيـس وألبسـت مـن مهانتهـم أنـواع اللـبـوس

بين خدعـة كعـب خيـلاٍ ومولـد أدونيـس درسونـا الآلهـة والمـدرس هـو مـروس

ويش لاقوا من قناة السويس أهـل السويـس ويش لا قوا من تلمسان قـوم مـن سنـوس

كلهم مـن شـدة الجـوع راحـوا خندليـس بين غيبوبة مخدر وصحـوة عـرق سـوس

ثـورةٍ راحـوا سببهـا بتـوع الأوتوبيـس وش نبي فيهـا وهـي ماتهـز الا الغـروس

آفة المرء اثنتان إلـف كـاس وحـب كيـس والنفوس اليا بغيـت أتعرفهـا ارم الفلـوس

ينكشف زيف الشعارات الا حمـي الوطيـس ترجع الأذناب أذناب وتبقـى الـروس روس

صدق الا قالوا العرب ما يحوس الا الخسيس ولا يوطي الروس شيّئاً مثل ضعف النفـوس

ناقتـي يـا ناقتـي لا ربـاع ولا سـديـس وصليني لابتي مـن ورى هـاك الطعـوس